پامیلا چوپڑا

پامیلا چوپڑا
(ہندی میں: पामेला चोप्रा)
معلومات شخصیت
پیدائش	19 فروری 1948ء   لاہور
وفات	20 اپریل 2023ء (75 سال)  ممبئی
وجہ وفات	نمونیا
شہریت	ڈومنین بھارت بھارت
شریک حیات	یش چوپڑا (1970–21 اکتوبر 2012)
اولاد	ادتیے چوپڑا ،  ادے چوپڑا
عملی زندگی
پیشہ	منظر نویس ،  فلم ساز ،  پس پردہ گلوکار
	IMDB پر صفحہ

پامیلا چوپڑا (19 فروری 1948ء - 20 اپریل 2023ء) ایک ہندوستانی پلے بیک خاتون گلوکارہ تھیں۔ وہ تجربہ کار بالی ووڈ فلم ڈائریکٹر یش چوپڑا کی اہلیہ تھیں اور اپنے طور پر ایک فلم مصنف اور پروڈیوسر بھی تھیں۔

ابتدائی زندگی

پامیلا سنگھ 19 فروری 1948ء کو امرتسر، پنجاب (بھارت) میں پیدا ہوئیں، وہ بھارتی فوج میں ایک افسر موہندر سنگھ کی بیٹی تھیں۔ 3بچوں میں سب سے بڑی، اس کے دو چھوٹے بھائی تھے چونکہ اس کے والد پورے ہندوستان میں کئی دور دراز مقامات پر تعینات تھے، اس لیے چوپڑا نے کئی فوجی اسکولوں میں تعلیم حاصل کی۔ وہ اداکارہ سیمی گریوال کی کزن تھیں۔ چوپڑا کے والد مہندر سنگھ اور گریوال کی والدہ درشی گریوال بہن بھائی تھے۔

کیرئیر

چوپڑا نے فلم سے جڑے کئی شعبوں میں کام کیا۔ اس نے کئی فلمی گانے گائے تھے جن میں کبھی کبھی (1976ء) اور مجھ سے دوستی کروگے! (2002ء)۔ اس کا نام ان کے شوہر کی طرف سے بنائی گئی کچھ فلموں کے کریڈٹ پر 'پروڈیوسر' کی حیثیت میں بھی سامنے آیا۔ پامیلا نے اپنے شوہر یش چوپڑا، ان کے بیٹے آدتیہ چوپڑا اور پیشہ ور مصنف تنوجا چندرا کے ساتھ مل کر اپنے شوہر کی 1997ء کی فلم دل تو پاگل ہے کااسکرپٹ لکھا۔ وہ ایک ہی موقع پر اسکرین پر نمودار ہوئی تھی: فلم دل تو پاگل ہے کے ابتدائی گانے "ایک دوجے کے واسطے" میں جہاں وہ اور ان کے شوہر ایک ساتھ نظر آئے۔ ایک اسکول کی طالبہ کے طور پر پامیلا نے بھرتناٹیم سیکھا تھا لیکن اس نے کبھی عوامی سطح پر پرفارم نہیں کیا۔

ذاتی زندگی

پامیلا چوپڑا نے 1970ء میں فلم ساز یش چوپڑا سے شادی کی۔ شادی کا اہتمام ان کے اہل خانہ نے روایتی ہندوستانی انداز میں کیا تھا۔ دونوں خاندانوں کا ایک مشترکہ دوست تھا، فلم ساز رومیش شرما (فلم ہم کے پروڈیوسر) کی والدہ۔ شرما نے بی آر چوپڑا کی اہلیہ سے رابطہ کیا اور مشورہ دیا کہ پامیلا سنگھ بی آر کے چھوٹے بھائی یش چوپڑا کے لیے 'مثالی دلہن' ثابت ہوں گی۔ "وہ غلط نہیں تھی کیونکہ ہماری شادی شاندار تھی"، پامیلا نے 40 سال بعد ایک انٹرویو میں کہا۔ جوڑے نے پہلی بار ایک رسمی ماحول میں ایک دوسرے سے ملاقات کی اور ایک دوسرے کو راضی پایا۔ شادی 1970ء میں ہوئی تھی۔ ان کے دو بیٹے تھے، آدتیہ (پیدائش 1971ء) اور ادے (پیدائش 1973ء)۔ آدتیہ ایک فلم پروڈیوسر اور ڈائریکٹر ہیں۔ انھوں نے اداکارہ رانی مکھرجی سے شادی کی ہے۔ ادے ایک اداکار اور فلم پروڈیوسر ہیں۔

انتقال

20 اپریل 2023ء کو پامیلا چوپڑا 75 سال کی عمر میں ممبئی کے لیلاوتی اسپتال میں نمونیا سے انتقال کرگئیں، انھیں 'عمر سے متعلق مسائل' کی وجہ سے۔سپتال میں داخل کیا گیا تھا۔ اس کی حالت تیزی سے بگڑ گئی تھی، اس کی موت کے وقت اسے وینٹی لیٹر پر رکھا گیا تھا۔